CLESIPPEA

CLESIPPEA

ἀποθέωσις, memorata Gronovio, de Pecuniae vet. a Clesippo nomen habuit. Fuit is fullo, pravissimô corpore, qui additus est candelabro Corinthio pretioso coemptionalis, in auctione, Theonis praeconis iussu. Quod candelabrum, cum appendice homuncionis, cum sibi comparasset quinquaginta milibus Gegania, vidua nobilis ac locuples: eam emptionem dum frequenti conviviô ostentat, productus quoque, et ut vitia corporis manifestiora iocos praeberent, nudari iussus Clesippus, impudentiâ libidinis receptus in torum, mox testamentum, praedives Numinum vice illud candelabrum coluit et hanc Corinthiis fabulam adiecit, vindicatis tamen moribus nobili sepulchro, per quod aeterna super terras Geganiae dedecoris memoria duraret, ut ait Plinius, l. 34. c. 3. nempe Clesippum manumisit, maritum, heredem sumpsit Gegania. Ille vero Corinthium, cui nisi adhaesisset adplicitus impar a domino praecone, numquam ad res tam opimas pervenisset, non secus ac fatum suum veneratus, obtinuit inter poiteros, ut, mentione huius generis vasorum ortâ, Clesippea quoque memoraretur ἀποθέωσις; Quam in rem vide plura apud praefatum Gronovium, uti supra, l. 4. c. 8. ut et retro ubi de Candelabris.